Pages

May 4, 2013

அமைதி தருகின்ற...



சின்முத்திரை
ΩΩΩΩΩΩ

நமது கையினுடைய கட்டை விரலில் அமைந்துள்ள நரம்புத் தொகுதிக்கும், மூளைக்கும் தொடர்பு இருக்கின்றது. சிந்தனையின் சலனங்களைக் கட்டுப்படுத்துவதால் இதற்குச் சின்முத்திரை என்று பெயரிட்டார்கள்.
மனம் மகிழ்ச்சியாகவும் துக்கமோ அழுத்தமோ அணுகாமலும் சிறந்த சிந்தனை, மன அடக்கம், அமைதியைத்தரவல்ல இந்த முத்திரையைச் சின்முத்திரை என்று கூறுவர்.
ஆள்காட்டி விரலை மடக்கி,கட்டை விரலின் நுனியோடு ஒட்டி ,மற்ற மூன்று விரல்களையும் முன்னோக்கி நீட்டியவாறு வைக்க வேண்டும்.

இதனை தினமும் குறிப்பிட்ட நேரங்களில் சில நிமிட நேரங்களுக்கு பயிற்சியாக செய்து உயர்ச்சி அடையலாமென  ஆன்மீகக் கட்டுரைகள் கூறுகின்றன.  

இதனையே கோட்டுச்சித்திரத்தில் இங்கு க்விலிங் கைவேலையாகச்  செய்துள்ளேன்.
*************


அமைதி..
◘◘◘◘

                                    அமைதி தருகின்ற ஆனந்தம்மிகவே
                                    அகமதில் தூய்மை அதிகமாகுமே
                                    கனிவுடன் தருமே காருண்யவாழ்வே
                                    இனிமை இளமை இயல்பாய்வருமே...

                                    அழகினைக் கூட்டும் அதிபகை ஓட்டும் 
                                    அகத்தின் அமைதியே அடக்கத்தைக்காட்டும்
                                    ஆயுளைப் பெருக்கும் அழிவதைத்தடுக்கும்
                                    ஆணவம் அழிக்கும் அன்பினைப்பூக்கும்...

                                     பார்க்கின்ற யாவும் பரவசமாகும்
                                     வேர்விடும் உறவும் விழுதுகளூன்றும்
                                     ஊருக்கும் உறவுக்கும் உன்னதமாகும்
                                     நேரிதற்குமுண்டோ நிகர்  நீசொல்!... 
◘◘◘◘◘◘◘◘◘◘◘◘


தனியேவிடு...
**********

                                        நினைவேயென்னைத் தனியேவிடு
                                        துணையாய்ப்பின்னே தொடர்வதைவிடு
                                        வினையேவாழ்வை வாழ்கிறேன்விடு
                                        புனைகிறேன் புதுக்கவி புரிந்துநீவிடு...

♫♫♫♫♫




∞∞∞∞∞∞∞

பதிவோடு ஒரு அறிமுகம்
ᴥᴥᴥᴥᴥᴥᴥᴥᴥᴥᴥᴥᴥᴥᴥᴥᴥᴥᴥᴥ

வைத்தியர் முருகானந்தன் ஐயாவின் வலைப்பூக்களை இம்முறை இங்கு அறிமுகம் செய்வதில் மகிழ்வடைகின்றேன்.

மிக அவசியமான பல விடயங்களை உள்ளடக்கிய மூன்றிற்கும் மேற்பட்ட வலைப்பூக்களின் பதிவாளர் வைத்தியர் ஐயா.  வைத்தியம் மட்டுமல்லாமல் படங்கள் எடுப்பதும் அதற்கேற்றவகையில் பாக்கள் இயற்றிப்போடுவதுங்கூட இவரிடம் காணலாம். அவர் வலைப்பூகளுக்குச் சென்று பாருங்கள். அவரையும் ஊக்குவித்து பலனடையுங்கள். மிக்க நன்றி!

இங்கு அவர் வலைகளில் மூன்று முகவரிகளைத் தந்துள்ளேன்.

http://hainallama.blogspot.de/      ஹாய் நலமா

http://stethinkural.blogspot.de/     steth இன் குரல்

http://muruganandanclics.wordpress.com/     முருகானந்தன் கிளிக்குகள்